بسم الله الرحمن الرحيم
اخيرا حققت حلم من احلامي اني احاول اني احسن الحياة واخليها جميلة حتى ولو بكلام بسيط اقوله في مدونة متواضعة لأن الحياة فعلا جميلة مش هي من صنع ربنا سبحانه وتعالى ولا ايه؟؟ بس احنا اللي مش عارفين نحس بجمالها ولو فكرنا شوية هنلاقي كل الحاجات اللي في حياتنا بتحسن حياتنا يعني الفرح والحب والسعادة بيخلونا ننجز وننجح في حياتنا
والفشل والتحديات بتبقى بداية نجاح وسعادة وحب وبنحس بمعنى الفرحة فعلا بعد التعب
وخدوا الكلمة دي وافتكروها دايما وهتلاقوها بتتحقق كتير جدا في حياتنا كلنا
ربنا سبحانه وتعالى خلقنا وبيحبنا وبيساندنا في حياتنا مش علشان يعذبنا لأنه سبحانه وتعالى غني عن عذابنا
بحبكو في الله
وان شاء الله أقدر احسن حياتي وحياتكم
هناك 8 تعليقات:
فما هي نيتك في حياتك الأن ؟؟
نية سودة بعيد عنك !!
لا بجد حبيت اول واحد يعلق هنا وعجبتنى الافتتاحية وان شاء الله تبقى مدونة عظيمة مش متواضعة ولا حاجة وادينا مستنيين .
هانى زينهم : ليه بس كده يا مستر ؟؟!
نية سودة ليه خليها نية بمبي
سعيدة جدا ان حضرتك اول تعليق في المدونة الجديدة وكمان سعيدة ان الافتتاحية عجبتك وان شاء الله المدونة تنال اعجابك دايما يا مستر وتبقى عند حسن ظنك
إن شاء الله ربنا يوفقك
الحمد لله إنى لقيت حد متفاؤل زيى
تقريبا فكرة مدونتنا وحدة
بالتوفيق
mohamed ghalia : اللهم أمين
الحياة بتمشي بالتفاؤل والأمل من غيرها صعب نعيش
شكرا على تعليقك وتشجيعك
وان شاء الله المدونة تكون عند حسن ظنك
والله انا نفسى يوم يعدى عليا كده احسن فيه لمدة دقيقة ان الحيلة جميلة .......
بعيداّ عن المعتقدات الدينية هاتى حاجة واحدة تخلى الحياة حلوة فى ظل إرتفاع تكاليف الزواج وإنخفاض الاجور وزيادة النهب والفساد وإختفاء الاخلاق والصدق ياريت رد مقنع
أنا إللى أستاهل : اهلا بيك في المدونة يا انا اللي استاهل
بعيدا عن المعتقدات الدينية ابسط حاجة ممكن تجيب ورقة وتكتب وتعد المزايا اللي في حياتك ابتدائا بالصفات الكويسة اللي في شخصيتك وانتهائا بكل الحاجات اللي نجحت فيها وحققتها والحاجات اللي عندك ومش موجودة عند الاخرين سواء صحة او اهل او تعليم ....... الخ
واكيد هتلاقي حاجات كتير جميلة ورائعة في حياتك
جرب الطريقة دي وقولي ايه اللي هيحصل معاك
واهلا بيك في المدونة دايما
نيتي في الحياة، كتير قوي، محددة هدف لكل جزء في حياتي، وكل هدف من كل جزء، يندرج تحتية مجموعة اهداف اخري ، ودة كلة علشان يوصلني للهدف الاكبر في الحياة، إلا وهو اني ابقا ناحجة مش فاشلة.
ده الهدف العام غير الاهداف الخاصة.
مدونة جميلة، وهدفها مفيد
ربنا معاكي بأذن الله
ملحوظة: الحياة جميلة لما بنشوفها جميلة.
المهم انت شايفها ازاي
SHEMOooo : كلامك جميل يا شيمو
ربنا يوفقك
إرسال تعليق