عيش حلمك

كلنا عندنا احلام وكلنا بنسأل ليه مش عارفين نحقق احلامنا ويمكن كمان بعد فترة

نحس اننا مبقيناش نعرف نحلم طب والحل؟

الحل في ايدينا نحلم ونحلم ونحلم ونعيش حلمنا نشوفه بكل تفاصيله , نتنفسه , نحبه ونهتم بيه واكيد في يوم من الأيام هيتحقق

ناس كتير احلامهم كانت مستحيلة ومع الارادة والرغبة المشتعلة burning desire

حققوا احلامهم

الرغبة المشتعلة دي مش اي حد ممكن يوصل ليها الا اللي عايش حلمه

احساس اني ان شاء الله هحقق الحاجة الفلانيه وابقى بفكر في حلمي دايما وحتى مش قادر انام من كتر احساسي اني عايز احقق حلمي ومن كتر ايماني بيه

واكبر مثال على ده الأستاذ عمرو خالد قال في احد برامجه انه كان خجول ومكنش عنده القدرة على مخاطبة الناس ومع الاصرار حقق حلمه وجزاه الله خيرا فاد ناس كتير جدا

مثال تاني اوبرا وينفري اغنى مذيعة في العالم شافت مهالك ومصاعب كتير في حياتها منها التفرقة العنصرية لكنها اتحدت كل حاجه وحققت حلمها

النماذج دي عظيمة بس تعالو نسأل نفسنا يا ترى هما عندهم ايه مش عندنا ؟ مش هنلاقي انهم مختلفين الا في اصرارهم على تحقيق احلامهم

تعالو نحقق احلامنا

بسم الله الرحمن الرحيم

بسم الله الرحمن الرحيم

اخيرا حققت حلم من احلامي اني احاول اني احسن الحياة واخليها جميلة حتى ولو بكلام بسيط اقوله في مدونة متواضعة لأن الحياة فعلا جميلة مش هي من صنع ربنا سبحانه وتعالى ولا ايه؟؟ بس احنا اللي مش عارفين نحس بجمالها ولو فكرنا شوية هنلاقي كل الحاجات اللي في حياتنا بتحسن حياتنا يعني الفرح والحب والسعادة بيخلونا ننجز وننجح في حياتنا

والفشل والتحديات بتبقى بداية نجاح وسعادة وحب وبنحس بمعنى الفرحة فعلا بعد التعب

وخدوا الكلمة دي وافتكروها دايما وهتلاقوها بتتحقق كتير جدا في حياتنا كلنا

ربنا سبحانه وتعالى خلقنا وبيحبنا وبيساندنا في حياتنا مش علشان يعذبنا لأنه سبحانه وتعالى غني عن عذابنا

بحبكو في الله

وان شاء الله أقدر احسن حياتي وحياتكم